शिरपूरमध्ये वाळू तस्करांकडून तलाठ्यांना मारहाण

 वृत्तसेवा धुळे : शिरपूर तालुक्यातील करवंद येथे अवैध वाळू उपसा आणि वाहतूक करणारे ट्रॅक्टर पकडण्यासाठी गेलेल्या दोन तलाठयांवर जमावाने प्राणघातक हल्ला चढवला. शनिवारी दपारी झालेल्या या घटनेत तलाठी पंकज महाले आणि दारासिंग पावरा हे जखमी झालेकरवंद गावाजवळ अरुणावती नदीत उपसा सुरू असल्याची माहिती मिळाल्याने दोन्ही अधिकारी कारवाईसाठी गेले होते. संशयित आठ ते दहा जणांनी दोघांना मारहाण केली व तेथून फरार झालेहा प्रकार कळताच महसूल विभागाचे अधिकारी, कर्मचारी शिरपूर पोलीस ठाण्यात पोहचले. संशयितांविरुद्ध गुन्हा दाखल करण्याचे काम सुरू होते. यापूर्वी वाळू वाहतुकदारांनी प्रांताधिकाऱ्याना मारहाण केल्याने शिरपूर चर्चेत आले होते. वाळू तस्करांची मुजोरी पुन्हा वाढीस लागल्याचे बोलले जात आहे.